|
SubscriptionsSites I Read
|
|
|
|
| 7/2
大年初一, 訓到晏一晏先起身食野, 同埋一定要斟茶俾阿媽阿爸!! 之後去左阿婆屋企拜年!! 洗碗洗到我抽筋!!
8/2
阿媽阿爸已經一早返大陸, 其間凌晨5點幾姨媽打黎, 原來阿公係屋企撞親後腦, 流左好多血, 嚇死我!! 真係唔應該獨留老人家係屋企, 好危險!!
原本諗住留係屋企休息下, 不過芝打黎話去唱k, 梗奉陪!! 因為新年既關係, 大家都好high, 買左兩打啤酒上neway飲, 哈哈, 一於啤啤佢!! 唱完k仲唔夠話要飲早茶, 真係好攰, 我都撻晒皮, 冇乜點食野!! 好彩我未醉得晒, 簽咭竟然唔俾我簽名, 傻架?
最後10點多先返到屋企!
9/2
訓到差不多5點先起身, 又趕住出去尖咀同阿咪, 詩惠, 慧食飯! 一起身勁喉嚨痛, 所以沖左杯咸柑桔飲, 點知一飲就肚瀉, 去左5, 6次都係咁, 勁驚!!
去左海港城間"麻布茶房"食, 大家唔好去呀!!! 癲架, 擺舊生豖肉做伴碟, d野食又凍! 去埋"糖朝"食杏仁霜就趕下一場!
今次好多人去蘭桂芳呀, denise, ivan, elsie, man, 我, kenneth, cherrie, cherrie's fd - janice! 最後只係揀左間好有情調既bar飲野, 個支peach vodka好難飲, 25% 酒精, 好快就臉紅, 仲要唔小心倒瀉denise杯酒同埋打爛左自己隻杯!!
係未揀到去邊間bar時發生一段小插曲: 有兩個台灣妹問我地知唔知附近有冇disco之類, 我地話唔知, 唔係成日黎, 唔清楚, 之後佢問我係唔係香港人, 我竟然答左唔係, 俾佢地笑死, 最後個台灣妹話我太似香港人, 好漂亮!!! 哈哈哈!!
飲到點幾鐘就閃, 去左翠華食油菜, 之後3點幾就返到屋企!
10/2
夜晚出左旺角打邊爐with班長, 阿朝, vincent, 華哥, tony!! 個個都好大食呀!! 下次約得齊人d得嘛?? 真係好耐冇見!!
| | |
| 4/2
放工拿拿臨趕入屯門去芝屋企食團年飯, 好豐富!!! 之後就數下錢咁啦, 因為我地要參加飢饉三十, 要籌五百蚊以上, 結果好犀利!! 我班同事仔捐左hk$1920俾我呀!! 好開心呀!! 所以我一定會全力以赴, 捱足三十個鐘!!! 多謝芝送左個搞笑電話繩, "嫁有錢人, 唔使頭痕!" 之後再落美樂度食糖水, 我萬歲! 心血來潮好想請你地食糖水, 哈哈!!
6/2
放工去左阿(黃大仙)屋企食飯, 之後落旺角買新衫with茵!! only買左個金色袋@旺中同埋買左對深紅色長boot@ i.t. - 4折!
之後join埋芝同埋佢地d馬會同事去食霄夜(潮州打冷), 再去行年霄, 買左套得意餐具($18喳), 然後去太子間24小時m記食返個醒晨全餐就搭地鐵(好在通霄喳)返屋企(食屎,冇晒泥猛的!)
返到屋企7點幾, 接近24小時冇訓過, 好盡興!!
| | |
| 琴日(2/2)放工放好晏, 跟左個新客冇幾耐就做錯野, 好驚呀, 唔想俾人炒呀!! 準時6點收工!!
約左kenneth, ivan, denise去中環食飯, 飲野!! 去左so ho區食飯, 嘩, 第一次去d咁高級既地方食野, 周圍都係外國人, 間間餐廳都點晒蠟燭, 飲晒紅酒咁, 揀左勁耐, 最後去左間墨西哥餐廳食, order左個大pizza, 半月pizza(好靚, 好似隻king size餃子), 意大利飯, 炸芝士, 粟米片, 好飽好飽, 好多芝士, 好膩!! 仲order左杯cocktail. 今餐又係kenneth請, 搞到好唔好意思! btw, ivan同kenneth各拎住張金咭爭俾錢ge景況, 都幾壯觀!
之後去左蘭桂坊, 因為太飽啦, 冇去飲野, must "湯"!! 去左pacific cafe度玩nds, 玩玩下kenneth收到maggie個sms話佢老公死左, 真係好心寒, maggie前幾日先生左個bb女, 而家老公突然死左, 好驚佢會做傻事!!!
收到呢個消息之後都冇晒心情, 跟左kenneth返沙田攞車再送我地返屋企!
| | |
| 13/1
約左阿咪去沙田行街, 收穫勁豐富!!! 我地買clinique都差唔多買左一千蚊, 哈哈!! 佢送個支睫毛液唔好用既!! 之後就去左ruby tuseday度食晚飯, 幾好味, 不過好似乾左d!! 唔夠肉汁! 之後再去買衫, 買唔到我想要既閃石腰帶.........
19/1
short week! 一早就出發返大陸整水晶甲 with 好耐冇見既鄭曉茵!! 又買左好多無聊野, 哈哈, 愛上返大陸, 因為消費仍然算係平, 食左小肥羊lu, 不錯, 不過d羊肉真係"so"到爆, 頂唔順!! 羊架好好味!! 今次整既水晶甲都幾靚, 不過d雕花做得唔夠細緻, 立體!!
20/1
約左ivan, denise, kenneth去打保齡, kenneth好闊綽, 請我地打保齡, 飲野, 打機!! 之後join埋其他人出發去公司個annual dinner!!! 好多人, 擺左三十幾席!!! 仲見到carmen個fd serve我地!! 仲以為carmen會返工, 可以serve我tim..........哈哈!! 食飽飽全部人都趕去下一場, 大老闆係尖東包左幾間房俾我地唱k, d野食一盤一盤咁拎入黎, d野飲又一盤十幾杯咁拎入黎, 好壯觀架, 所以搞到我唔捨得走, 無奈第2日要返工!! 點幾鐘就走!!
27/1
約左好耐冇見既阿敏睇戲食飯, 兩年冇見啦, 老模樣, 哈哈!! 可惜阿奶唔得閒!!! 要keep in touch呀!!!
************************************************************************************************************
4月同阿咪去旅行, 日本or歐洲好?? 睇黎呢幾個月都要勤帶飯啦.......
| | |
| 呢兩日好準時食藥, 唔係食就訓, 養足精神!! 為12號既大食會作最後準備!! 哈哈哈......
| | |
|
